Javed Akhtar’s poetry from “Zindagi Na Milegi Dobara”

Doobte suraj ki aakhri kirnein, Doobte dil ki aakhri umeedein…

Doobte suraj ki aakhri kirnein, Doobte dil ki aakhri umeedein…

Some awesome words from Javed Akhtar, in the movie.

Pighle neelam sa yeh behta sama,
Neeli neeli si khaamoshi,
Na kahin hai zameen, na kahin aasmaan,
Sarsaraati hui tehniyan, pattiyan,
Keh rahi hain ke bas ek tum ho yahan,
Sirf main hoon, meri saansein hain aur meri dharkanein,
Aisi gehraiyan, aisi tanhaiyan, aur main, sirf main,
Apne hone pe mujh ko yakeen hogaya…
– Javed Akhtar

Ik baat hoton tak hai jo aayii nahin,
Bas aankhon se hai jhaankti,
Tum se kabhi mujh se kabhi,
Kuch lafz hai woh maangti,
Jin ko pehen ke hoton tak aajaye woh,
Awaz ki baahon mein baahein daal ke tehlaye woh,
Lekin jo yeh baat hai,
Ehsaas hi ehsaas hai,
Khushbu si hai jaisi hawa mein tairti,
Khushbu jo be-awaz hai,
Jis ka pata tum ko bhi hai,
Jis ki khabar mujh ko bhi hai
Duniya se bhi chupta nahin,
Yeh jaane kaisa raaz hai…
– Javed Akhtar

Jab jab dard ka baadal chaaya,
Jab ghum ka saaya lehraya,
Jab aansu palkon tak aaya,
Jab yeh tanha dil ghabraya,
Hum ne dil ko yeh samjhaya,
Dil tu aakhir kyun rota hai,
Duniya mein youn hi hota hai,
Yeh jo gehre sanaate hain,
Waqt ne sab ko hi baante hain,
Thora ghum hai sab ka qissa,
Thori dhoop hai sab ka hissa,
Aankh teri bekaar hi num hai,
Har pal aik naya mausam hai,
Kyun tu aise pal khota hai,
Dil aakhir tu kyun rota hai…
– Javed Akhtar

Dilon mein tum apni betaabiyan le ke chal rahe ho to zinda ho tum,
Nazar mein khwaabon ki bijliyaan le ke chal rahe ho to zinda ho tum,
Hawaa ke jhonkon ke jaise azaad rehna seekho,
Tum aik dariya ke jaise lehron mein behna seekho,
Har aik lamhe se tum milo khole apni baahein,
Har aik pal aik naya samaa dekhen yeh nigaahein,
Jo apni aankhon mein hairaaniyan le ke chal rahe ho to zinda ho tum,
Dilon mein tum apne betaabiyan le ke chal rahe ho to zinda ho tum…
– Javed Akhtar





Submit a Comment

Your email address will not be published. Required fields are marked *

%d bloggers like this: